വേനക്കാലത്തു അവിടേക്കു യൂത്ത് ഹോസ്റ്റല് അസ്സോസ്സിയേഷനെ പോലുള്ള സംഘങ്ങള് ട്രക്കിംഗ് സംഘടിപ്പിക്കാറുണ്ട്.. ആ
എങ്കിലും ആ ഒരു കാഴ്ചക്കു മാത്രമായി വളരെ ദൂരെ നിന്നു അവിടെ പോകുന്നതിനേക്കാള് നല്ലത് മസ്നഗിഡിയോ ഊട്ടിയോ പോകുന്ന വഴി
മലപ്പുറം ജില്ലയിലെ നിലമ്പൂരില് നിന്നും മൈലാടിപ്പാലം വഴി ഏകദേശം 15കി.മീ ദൂരത്ത് ഉള്പ്രദേശത്തുകൂടി യാത്ര ചെയ്താല് എത്താവുന്നതാണ് ആഢ്യന്പാറ.. ചുങ്കത്തറയില് നിന്നും ഒരു വഴി (എരുമമുണ്ട വഴി) അവിടേക്കുണ്ട്.. ഇപ്പോള് ചുങ്കത്തറ വഴിയുള്ള ഗ്രാമീണറോഡ് പുനരുദ്ധരിച്ച് നല്ല ബി.എം & ബി.സി റോഡ് പ്രവൃത്തി നടക്കുകയാണ്.. അതിരപ്പിള്ളീ പോലെ വലിയ വെള്ളച്ചാട്ടമല്ല ആഢ്യന്പാറ.. കൊച്ചുവെള്ളച്ചാട്ടം മാത്രം.. വേനലിലെ കാഴ്ചയും മഴക്കാലത്തെ കാഴ്ചയും തികച്ചും വ്യത്യസ്തമാണ്.. വെള്ളത്തിന്റെ അടിഒഴുക്കു നമുക്കു കൃത്യമായി മനസ്സിലാക്കാനാവില്ല..
വേനല്കാലത്തു കാണുമ്പോഴാണ് അതിലെ ചതിക്കുഴികള് പ്രത്യക്ഷമാവുന്നത്.. ആവേശം കയറി കുളിക്കാന് ഇറങ്ങിയ കുറേ പേരുടെ ജീവന് ആഢ്യന്പാറ എടുത്തിട്ടുണ്ട്.. എന്നിട്ടും ആവേശഭരിതരായ യുവാക്കള് (പ്രത്യേകിച്ചും പ്രൊഫഷണല് വിദ്യാര്ത്ഥികള്) ഇപ്പോഴും കുളിക്കാന് ഇറങ്ങുന്നുവെന്നത് അവരുടെ സാഹസികമനസ്സിനെയാണോ അമിതാവേശത്തെയാണോ ഹീറോയിസത്തെയാണോ പ്രകടമാക്കുന്നതെന്നറിയില്ല.. ശരിക്കും നീന്താന് അറിയുന്നവര് പോലും അവിടെ മുങ്ങുന്നുവെന്നതാണ് പ്രശ്നം.. ഇതോടൊപ്പമുള്ള ഫോട്ടോയില് പാറകള്ക്കിടയിലെ ഗര്ത്തങ്ങള് നിങ്ങള്ക്കു കാണാം..
വേനക്കാലത്തു അവിടേക്കു യൂത്ത് ഹോസ്റ്റല് അസ്സോസ്സിയേഷനെ പോലുള്ള സംഘങ്ങള് ട്രക്കിംഗ് സംഘടിപ്പിക്കാറുണ്ട്.. ആ കാട്ടാറിന്റെ മുകളിലേക്കു കയറിയാല് കൊച്ചു വെള്ളച്ചാട്ടങ്ങള് കാണാമെന്നു പറയുന്നു.. ഏതോ വയനാടന് മലയില് നിന്നും പുറപ്പെടുന്ന ഈ കാട്ടാറ് ഇവിടെയെത്തുമ്പോള് ഇത്രയും അപകടകാരിയായത് കാണാന് വരുന്നവര്ക്കെന്നല്ല ആര്ക്കും മനസ്സിലാവില്ല. എന്തായാലും കണാന് നല്ല ഭംഗിയാണെന്നതില് യാതൊരു സംശയവുമില്ല.. ശാന്തമായി ഒഴുകുകയും പാറയിലൂടെ ഒരു ഇറക്കം കഴിഞ്ഞു അതിന്റെ ക്ഷീണത്തില് വീണ്ടും പരന്നൊഴുകുകയും, ഇടയ്ക്കു വീണ്ടും ഒന്നു തിരിഞ്ഞു ചാടിയുള്ള കാട്ടാറിന്റെ ആ യാത്ര തന്നെ നല്ല രസമാണ്.. പാറയിലൂടെ ഇറങ്ങുന്ന വെള്ളത്തോടൊപ്പം പ്രത്യേക ബാലന്സില് നിന്നുകൊണ്ടു ഒഴുകുന്ന ആദിവാസിക്കുട്ടികള് ഒരു സര്ക്കസ്സ് കാഴ്ചയേകും..
എങ്കിലും ആ ഒരു കാഴ്ചക്കു മാത്രമായി വളരെ ദൂരെ നിന്നു അവിടെ പോകുന്നതിനേക്കാള് നല്ലത് മസ്നഗിഡിയോ ഊട്ടിയോ പോകുന്ന വഴി ഒരു ഉപയാത്ര.. അല്ലെങ്കില് നിലമ്പൂര് തേക്ക് പ്ലാന്റേഷന് (കനോലി പ്ലോട്ട്), തേക്ക് മ്യൂസിയം, നെടുങ്കയം എന്നിവ ഉള്പ്പെടുത്തി ഒരു യാത്രയുമാവാം.. മലപ്പുറത്തുകാര്ക്കു അതു മാത്രമായി ഒരു യാത്ര ആയാലും നന്നായിരിക്കും..
No comments:
Post a Comment